LOGO

Meny

Søk:

Meny

slakteweb
» Innmelding/slakteweb
Du er her: Hovedsiden / Småfe / Siste nytt / Arkiv nyhetsartikler 

Verktøylinje

Sauekontrollen for framtidsretta sauebønder.

Sauekontrollen og vèrringane saman med utvikling på semin vil vera det heilt sentrale i avlsarbeidet på sau i tida framover Her får vi registrert dei eigenskapane som skal gjera oss i stand til å få framgang, kvalitet og økonomi i det framtidige sauehaldet.

I sauekontrollen får vi registrert dei
eigenskapane som skal gjera oss i
stand til å få betre økonomi i det fram-
tidige sauehaldet. Foto: Knut Øygard

Av: Asbjørn Alsaker, fagsjef sau Region Vest

Gjennom sauekontrollen får den einskilde medlem informasjon om eigen buskap og skaffar grunnlag for styring, planlegging og kvalitetssikring av produksjonen. Sauekontrollen gjev grunnlag for landsomfattande avlsarbeid på sau gjennom fullstendig oversyn over dyra sin identitet ved merking og informasjon over enkeltdyr og buskap.

Nyttig informasjon
Gjennom sauekontrollen får vi nødvendig informasjon til førebyggjande helsearbeid og sjukdomsnedkjemping. Sauekontrollen gjev og grunnlag for deltaking på utstilling og kåring, og den dokumenterer opplysningar ved sal av livdyr. Kontrollen gjev også opplysningar for generell rådgjeving, til forsking, statistikk og prognosar.
 
Produsentmiljø
Kontrollen skal vera med og skape eit aktivt og levande produsentmiljø, og den skal kunne vera ein kvalitets - dokumentasjon overfor forbrukar. Ved påsett har vi mange omsyn å ta, men målet er at vi skal kunne plukke ut dei avlsdyra som vil gje det beste økonomiske resultatet på avkommet.
 
Praktisk nytte
Registreringane i kontrollen gjev høve til praktisk å nytta seg av opplysningane på mange vis, vi kan til dømes køyre ut rangeringslister over avdrått, slakteresultat, økonomisk resultat og verresultat m.m.
 
Årsutskrift
Gjennom årsutskrift får vi ei totaloversikt over kontrollåret med følgjande opplysningar:
  • Totalt dyretal
  • Lammetal til gimmer og vaksne, fordelt på levandefødde og daudfødde.
  • Lammetap inne, på vårbeite og på sumarbeite.
  • Lammetal om hausten
  • Haustvekt slaktevekt og klassifisering
  • Tilvekst i ulike periodar
  • Samla avdrått og økonomisk resultat
  • Samanlikning av buskapsresultat med landsgjennomsnittet.
Nortura har gjennom sauekontrollen knytt til seg fagpersonar som er tilgjengeleg for rådgjeving og vi kan etter kvart tilby spesialkompetanse på dei fleste områder.
Vi oppmodar alle aktive sauebønder til å verta medlem av sauekontrollen. Med ditt medlemskap er du med å legge eit betre grunnlag for det sentrale avlsarbeidet framover, på same tid sikrar du drifta i eigen buskap.