Om bruk av sluttfôr utan koksidiostatika i slaktekyllingproduksjonen

(28.11.11) Fjørfenæringa sine varemottakarar (Nortura og KLF) har saman med Animalia i fagråd 27. april i år bestemt at det fortsatt skal praktiserast 2 døgns tilbakehaldelsestid for slaktekylling som har fått fôr med koksidiostatika av typen Narasin.

Av: Astrid Berg, spesialveterinær

Dette står ved lag og etter at Mattilsynet nå har vedtatt ny forskrift som ikkje lenger stiller krav om tilbakehaldelsestid for Narasin. Andre koksidiostatika har fortsatt forskriftsfesta tilbakehaldelsestid.

Kvifor fortsatt bruk av sluttfôr?

• Næringa ynskjer generelt å bruka minst muleg koksidiostatika
• Vi har svært få problem med koksidiose på slaktekylling
• Det er ingen dyrehelsemessige grunnar til å bruka koksidiostatika dei siste to dagane.
• Ved å gå frå 2 til 0 dagar med sluttfôr ville bruken av Narasin gått opp med om lag 10 %. Ein slik auke vil koma fram i offentlege rapportar og kan skapa debatt.

Konsekvensar for slaktekyllingprodusentane

• I praksis ingen endring
• Sluttfôring som før
• Glidande overgang mellom vekstfôr med Narasin og sluttfôr utan Narasin blir godtatt
• KSL-kravet blir vidareført