Slaktestatistikk lam 2011 i Nortura

(20.01.12) Nortura slakta 648.630 lam i 2011. Dette er ein nedgang på 3,65 % eller 24.600 lam i forhold til 2010.

Av: Finn Avdem, fagrådgjevar småfe i Nortura

Årsaker til nedgangen er samansett
Tal frå Statens Landbruksforvaltning syner at det var slept ca 7000 færre lam på beite i 2011 enn i 2010.

I nordre Nordland og Troms er det mange som aukar søyetalet etter eit godt grovfôrår i 2011, i motsetning til 2010.

Vi veit det har vore betylege tap på beite i einskilde område.

Slaktinga i starten av januar tyder på at fleire lam står på sluttfôring og vil kome til slakting nå i starten av 2012. Vi har ikkje endeleg tal for marknadsandelar i 2011, men i einskilde fylke er nok tapte marknadsandeler også ein årsak

Vi ser at alle landsdelar utanom Nord-Noreg har hatt ein nedgang i slaktevekt. Den regnfulle sommaren i Sør-Noreg førte til låg tilvekst på utmarksbeite.

Kvalitet
Medel klasse er omtrent som i 2010, så Norturabonden gjorde ein god jobb med sluttfôring av lamma. Andelen lam med feittrekk gjekk ned med litt over 1 %. Hovudgrunnen til at Stjernelam-andelen gjekk ned med 3 % er difor at ein større andel av lamma ikkje greidde vektkravet på 16 kg.

Vi gratulerer Troms som klar vinnar av Stjernelamtoppen 2011. 76,8 % Stjernelam er rett og slett imponerande! På andreplass kom Buskerud med 72,3 % Stjernelam og på tredjeplass finn vi Vest-Agder med 69,5 % Stjernelam.

Grafen viser antall lam slaktet - mot fjoråret, og andel stjernelam i 2011: