Stor oppslutning om LAM 2023
(Oppdatert 22.02.23) 560 sauebønder og andre med interesse for sau var samla til Lammekongress på Scandic Hell i Stjørdal helga 18.-19. februar.
Ca halvparten av kongressdeltakarane tjuvstarta på fredag med ein busstur i Stjørdal og Innherred for å bli betre kjent i området og besøke andre som driv med sau.
Laurdag og søndag fekk kongressdeltakarane moglegheit til å gå på 14 ulike fagforedrag, besøke 21 utstillarar og kose seg med festmiddag som inneheldt både korsang med Rennebu Mannskor og eit forrykande kåseri med skodespelar ved Trøndelag Teater, Marianne Meløy.
– Inntrykket er at LAM 2023-deltakarane hadde fine dagar på kongress, og kunne reise heim litt klokare og med nye idear til å utvikle sauedrifta si, seier fagsjef på småfe, Finn Avdem.
Foredraga fra kongressen kan du se i pdf. versjoner her
